Аксияи ниҳолшинонӣ бо иштироки аҳли кормандони Маъмурияти минтақаи озоди иқтисодии «Кӯлоб» дар ноҳияи Рӯдакӣ
Бо мақсади дар амал татбиқ намудани ташаббусҳои созанда ва бунёдкоронаи Ассосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон дар самти табдил додани Ҷумҳурии Тоҷикистон ба кишвари ҳамешасабз санаи 15-уми марти соли ҷорӣ дар доираи иҷрои қарори Ҳукумати Ҷумҳурии Тоҷикистон аз 29 июли соли 2024, №374 «Дар бораи Барномаи давлатии кабудизоркунии Ҷумҳурии Тоҷикистон барои давраи то соли 2040», дар ҳамкорӣ бо Вазорати рушди иқтисод ва савдои Ҷумҳурии Тоҷикистон дар Ҷамоати деҳоти Султонободи ноҳияи Рӯдакӣ бо иштироки аҳли кормандони Маъмурияти минтақаи озоди иқтисодии «Кӯлоб» маъракаи ниҳолшинонӣ баргузор гардид.
Дар чорабинии мазкур зиёда аз 300 бех дарахтони ороишию сояафкан ва мевадиҳанда, аз қабили сузанбарг, себ, нок, гелос, чормағз, зардолу ва ғайра шинонида шуд.
Илова бар ин, то охири соли 2025 аз тарафи МОИ «Кӯлоб» шинонидани боз 450 бех дарахтони ҳамешасабзу сояафкан ва мевадиҳанда ба нақша гирифта шудааст.
Маъмурияти МОИ «Кӯлоб» минбаъд низ дастуру супоришҳои Ассосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон дар самти татбиқи амалии Барномаи давлатии кабудизоркунии Ҷумҳурии Тоҷикистон барои давраи то соли 2024 ва табдил додани Ҷумҳурии Тоҷикистон ба кишвари сабз тамоми чораҳои заруриро роҳандозӣ менамояд.
