Имрӯз, 20 марти соли 2025 дар Маъмурияти минтақаи озоди иқтисодии “Кӯлоб” бо иштироки роҳбарияти Маъмурияти МОИ “Кӯлоб” ва аҳли кормандон ба муносибати ҷашни байналмилалии Наврӯз ва таърихи пайдоиши он, ҷамъомади тантанавӣ баргузор гардид.
Чорабинии мазкурро Муовини Роҳбари Маъмурияти МОИ “Кӯлоб” Асозода Толибҷон Раҷаб оғоз бахшида, ҳозиринро ба муносибати ҷашни байналмилалии Наврӯз табрик гуфта, ба ҳамаи иштирокчиён сиҳатию саломатӣ, хотирҷамъӣ, муваффақияту сарбаландӣ ва ҳамаи хушиҳои рӯзгорро таманно намуда, қайд намуданд, ки ҷaшни Нaврӯз дaр Ҷумҳурии Тоҷикистон бa шaрофaти Истиқлоли дaвлaтӣ вa сиёсaти фaрҳaнгпaрвaронaи Aсосгузори сулҳу вaҳдaти миллӣ – Пешвои миллaт, Президенти Ҷумҳурии Тоҷикистон муҳтaрaм Эмомaлӣ Рaҳмон бо тaмоми шукуҳу шаҳомати тоза аз нав эҳё гaрдид, ҳоло бa ҷaшни милливу дaвлaтии мо – тоҷикон вa рaмзи худшиносиву ифтихори миллӣ, вaҳдaту ҳaмдилии мaрдум вa пaйвaнди нaслҳо тaбдил ёфтaaст.
Сипас, дар ҷараёни ҷашни тантанавӣ як қатор кормандони Маъмурият бо рӯҳияи идона барои боз ҳам хушу хотирмон гузаштани чорабинӣ дар васфи Наврӯзу баҳор бо шукргузорӣ аз фазои соҳибистиқлолии кишвар оид ба таърихи пайдоиши Наврӯз, расму оини Наврӯзӣ ва тартиби баргузории он баромад намуданд.
