Сиёсати муҳоҷират ва навъҳои рухсатнома

Сиёсати муҳоҷиратии Минтақаи озоди иқтисодии «Кӯлоб»

Минтақаи озоди иқтисодии «Кӯлоб» ҳамчун яке аз минтақаҳои муҳими рушди иқтисодии Ҷумҳурии Тоҷикистон сиёсати шаффоф, мусоид ва муосири муҳоҷиратиро татбиқ намуда, ба ҷалби сармоягузорони дохилию хориҷӣ, соҳибкорон ва мутахассисони баландихтисос таваҷҷуҳи махсус зоҳир менамояд. Сиёсати мазкур ба фароҳам овардани муҳити мусоиди сармоягузорӣ, рушди истеҳсолот, густариши ҳамкориҳои байналмилалӣ ва истифодаи технологияҳои пешрафта равона гардидааст.

Бо мақсади таъмини фаъолияти самараноки субъектҳои минтақа, Маъмурияти МОИ «Кӯлоб» дар ҳамоҳангӣ бо мақомоти ваколатдори давлатии Ҷумҳурии Тоҷикистон барои танзими масъалаҳои вобаста ба муҳоҷират, воридшавӣ, будубош ва фаъолияти меҳнатии шаҳрвандони хориҷӣ чораҳои зарурӣ меандешад.

Дар доираи амалисозии сиёсати муҳоҷиратӣ ба сармоягузорон, намояндагони ширкатҳои хориҷӣ ва мутахассисон хизматрасониҳои зерин пешниҳод карда мешаванд:

• мусоидат дар гирифтани раводид (виза), иҷозатномаи меҳнатӣ ва дигар ҳуҷҷатҳои зарурӣ;
• дастгирӣ дар масъалаҳои бақайдгирӣ ва расмиёти муҳоҷиратии шаҳрвандони хориҷӣ;
• пешниҳоди машваратҳои ҳуқуқӣ ва иттилоотӣ вобаста ба фаъолияти сармоягузорӣ ва соҳибкорӣ;
• фароҳам овардани заминаи мусоид барои ҷалби мутахассисони хориҷии баландихтисос;
• ҳамоҳангсозии ҳамкорӣ бо мақомоти давлатӣ дар самти муҳоҷират ва шуғли шаҳрвандони хориҷӣ;
• соддагардонӣ ва шаффофсозии расмиёти маъмурӣ ҷиҳати беҳтар намудани муҳити сармоягузорӣ.

Сиёсати муҳоҷиратии МОИ «Кӯлоб» ҳамчун қисми муҳими стратегияи рушди минтақа ба таҳкими робитаҳои иқтисодии байналмилалӣ, афзоиши ҳаҷми сармоягузории хориҷӣ, таъсиси ҷойҳои нави корӣ ва баланд бардоштани рақобатпазирии иқтисоди миллӣ мусоидат менамояд.

Ҳамаи расмиёти марбут ба муҳоҷират ва фаъолияти меҳнатии шаҳрвандони хориҷӣ мутобиқи талаботи қонунгузории Ҷумҳурии Тоҷикистон ва санадҳои меъёрии ҳуқуқии амалкунанда амалӣ карда мешаванд.

Маъмурияти МОИ «Кӯлоб» омода аст барои сармоягузорон ва шарикони хориҷӣ дар самти ҳалли масъалаҳои муҳоҷиратӣ ва рушди фаъолияти иқтисодӣ дастгирии ҳамаҷониба расонад.

Рухсатномаҳо:

• Доимӣ

•Муваққатӣ

•Нақлиётӣ